Jan 15, 2014
Oct 7, 2013
Benvidos a un novo curso
Comezamos as colaboracións neste novo curso coa narración conmovedora de Irene Arto Escuredo, alumna de 1º de BAC e integrante do EDLG. Este texto é unha mostra máis da valía da nosa xuventude, das mozas e mozos que perseguen co seu esforzo un futuro mellor, máis xusto e solidario. Amósanos que a indiferenza e a apatía non son propias deles e que unha sociedade máis xusta será posible. Convidámosvos a ler este excelente relato que nace dunha traxedia que avergoña a Europa, pero que é unha luz de esperanza desde o latexar comprometido da nosa mocidade.
Jan 9, 2013
Benvida
Nós,
Tamén queremos chegar Máis
Alá
coa Lingua Galega.
Dicía o escritor Manuel Antonio no
seu manifesto Mais Alá : “Agora
cómprevos dicir, mozos da nosa Terra, se pensades seguir indo costa abaixo polo tempo ou
encarados co porvir”
Este é o blog do Equipo de Dinamización do IES Saturnino
Montojo (curso 2012-2013), un vehículo máis para proseguirmos na nosa viaxe Máis Alá coa Lingua Galega, viaxe que facemos cada día na aula, no recreo, nos corredores, nas actividades
complementarias...
Para esta andaina contamos coa complicidade e axuda da
Dirección, dos departamentos didácticos, e de moitos
alumnos e alumnas, profesores e persoal non docente.
Cando os ventos non nos son favorables nesta tarefa, empregamos, como dicía Einsten, unha forza motriz máis poderosa que o vapor, a electricidade e a enerxía atómica: A VONTADE. A vontade de recuperar o galego é a nosa ITACA, chegar a ela é
o noso destino e combatemos aos Cíclopes e lestrigóns coa forza que nos dá a historia, a tradición, a lei e a xustiza.
Jan 7, 2013
Presentación do novo equipo
Este curso estreamos Equipo de
Dinamización Lingüística. Pasaron catro anos e tocou renovación. A nova
Coordinadora é Carme Fernández, do Departamento de Lingua Galega, en realidade
ela sempre estivo á hora de traballar, aínda que non figurara nos papeis. Os
outros membros do profesorado son Anxo Bugeiro do Departamento de Ciencias
Naturais, que repite una tempada máis, e
Corona que tampouco se pode dicir que sexa nova nisto da Normalización do
Galego. O membro do persoal non docente do novo equipo segue sendo José, tamén un clásico co que estamos encantados. Todos sabedes o que vale!
Pero as adquisicións máis interesantes , sen desmerecer a ninguén, son as dos
alumnos e alumnas. Creo que son o
mellor do mellor: Lucía Amado, Simón Pazos e Nerea Teijeiro, xunto con Irene
Arto, Sandra Díaz, Sara González, Darío,…
Non sei por que, pero este curso estamos moi, moi motivados e contamos con
moita colaboración, tanto por parte da Dirección como de numeroso profesorado e alumnado.
Estamos moi conectados e queremos que vós o esteades tamén. O noso obxectivo é crear unha redeira
que envolva á nosa Comunidade Educativa, e que as nosas actividades sexan
compartidas cos departamentos, coa
Biblioteca, coa Vicedirección para que
resulten variadas e atendan aos vosos
gustos.
Estamos empeñados en darlle visibilidade á Lingua Galega no Centro, sacala
das clases de galego e escoitala polos corredores, nos recreos, nas
excursións.... porque ela, por historia, por lei, por cultura, ten que estar nas vosas bocas con naturalidade
e espontaneidade.
Nós, Tamén.
Voceiro do Equipo de Dinamización Lingüística.
Subscribe to:
Posts (Atom)